राज्यसेवा पूर्वपरीक्षा मधील २०० गुणांसाठी असलेला हा विषय आता थोडा वेगळ्या पद्धतीने आपल्या सर्वांसमोर येणार आहे . अभ्यासक्रम तोच मात्र आयोगाने ह्याकडे बसण्याचा दृष्टिकोन बदलला आहे . कदाचित ह्यातून काही विद्यार्थी मित्र CSAT कडे दुर्लक्ष करू शकतात . मात्र casual approach मुळे गाफील राहून नुकसान सुद्धा होऊ शकते हे लक्षात असू द्यावे . UPSC पूर्व परीक्षा पद्धती मध्ये सुद्धा हा बदल ज्यावेळी करण्यात आला त्यानंतर अगदी आतापर्यंत ही अनेक हुशार , मेहनती विद्यार्थी केवळ CSAT मध्ये ६७ मार्क्स सुद्धा न पडल्यामुळे यशापासून वंचित राहिले आहेत . त्यामुळे ह्यामध्ये एक तृतीयांश गुण घेतले तरच सामान्य अध्ययन १ चे गुण गृहीत धरण्यात येतील अथवा आपण स्पर्धेतून बाहेर पडू , हे न विसरता सराव करणे गरजेचे आहे .
ह्या पुस्तकामध्ये आयोगाच्या नवीन पॅटर्नप्रमाणे रचना केलेली असून बुद्धिमत्ता आणि अंकगणित चे केवळ आवश्यक तेवढेच टॉपिक आपण ह्यामध्ये अंतर्भूत केलेले आहेत . त्यासोबतच महत्वाच्या १० विषयांवर आधारित सुमारे १४० पेक्षा जास्त उतारे आपण ह्यामध्ये सरावासाठी दिले आहेत . तसेच निर्णय क्षमतेवर आधारित वेगवेगळ्या प्रकारचे प्रश्न विस्तृत स्पष्टीकरण सहित पुस्तकामध्ये दिलेले आहेत . सर्व प्रश्नांचा दर्जा हा मागील अनुभव आणि बदलत्या स्वरूपानुसार संमिश्र काठिण्य पातळीचा ठेवण्यात आला आहे .
ह्या पुस्तकाच्या माध्यमातून अभ्यास करून आपल्या सर्वांच्या यशाच्या प्रवासात CSAT अडथळा न ठरता केवळ एक पायरी ठरेल हीच प्रामाणिक ईच्छा .
प्रामाणिक प्रयत्न करणाऱ्या सर्व मित्रांना हा लेखनप्रपंच अर्पण !!!
Reviews
There are no reviews yet.